Rreth ChocoAlb
Gjithçka nisi me një ide: të tregojmë Shqipërinë përmes çokollatës
ChocoAlb lindi në Tiranë në vitin 2023, duke bashkuar çokollatën cilësore me qytetet, traditat dhe shijet karakteristike shqiptare. Çdo koleksion frymëzohet nga një pjesë e vendit tonë, duke e kthyer atë në një histori për t’u shijuar dhe dhuruar.
Misioni ynë
Të ndërtojmë një markë shqiptare të çokollatës që njihet për cilësinë, krijimtarinë dhe kujdesin ndaj detajit, duke zhvilluar vazhdimisht produkte dhe eksperienca që mund të përfaqësojnë denjësisht Shqipërinë brenda dhe jashtë vendit.
Mjeshtëria pas çokollatës
Pas çdo krijimi ChocoAlb qëndron mjeshtëria dhe eksperienca e njerëzve që e realizojnë. Në zemër të zhvillimit të produkteve tona është Shef Ilir Hysaj, një çokollatier me përvojë të gjatë profesionale në Shqipëri.
Eksperienca e tij, ndjeshmëria ndaj shijeve dhe vëmendja ndaj detajit janë pjesë e rëndësishme e çdo krijimi ChocoAlb. Së bashku me ekipin, ai vazhdon të eksperimentojë me shije dhe ide të reja, duke i kthyer frymëzimet shqiptare në krijime bashkëkohore.
