Kutia "Zana" - Taste of Albania, North Macedonia, Kosovo and Montenegro​

 
Ka fjalë që tingëllojnë mirë pa pasur nevojë për shpjegim. "Zana" është njëra prej tyre.

Për shqiptarët e Shqipërisë dhe të Kosovës, Zana është hyjnesha e maleve – mistike, e bukur, pak e paarritshme.

Për malazezët dhe maqedonasit, është një zë muzike që ende kujtohet, një emër që të kthen pas në kohë.

Në të dy rastet, është diçka pozitive. Diçka që mbetet.

Kutia Zana përmban 16 pralina, pa alkool, me katër shije të krijuara posaçërisht për katër vende që kanë të përbashkëta më shumë sesa mendohet.

Çdo shije vjen nga një përbërës karakteristik i secilit vend, i punuar me çokollatë të zezë.

• ·       Shqipëria – vaj ulliri
• ·       Maqedonia e Veriut – mollë
• ·       Kosova – kumbull
• ·       Mali i Zi – arrë

Janë shije të ndryshme, por që shkojnë natyrshëm bashkë. Ashtu si njerëzit që ndajnë këto hapësira, këto kujtime, këto tavolina.

"Zana" është një kuti për t’u shijuar dhe për t’u ndarë. Një dhuratë e bukur, me një ndjesi të përbashkët.